Dando
continuidade ao I Congreso Internacional de Neoloxía das
Linguas Románicas (Cineo2008), que tivo lugar en Barcelona
no mes
maio de 2008,
o Proxecto TermNeo (Observatório de neologismos do português
brasileiro contemporâneo) e a Faculdade de Filosofia, Letras
e Ciências Humanas da Universidade de São Paulo están organizando
o II Congreso Internacional de Neoloxía das Linguas Románicas (Cineo2011), co apoio de diferentes organismos académicos
e administrativos,
nacionais e internacionais.
Este congreso terá lugar en São Paulo, na Universidade de São Paulo, do 05 ao
08 de decembro de 2011, en homenaxe ao Prof. Dr. Evanildo
Bechara, eminente gramático da língua portuguesa e membro
da Academia Brasileira de Letras.
O Cineo2011 está dirixido a investigadores,
grupos de investigación e organismos, públicos e privados,
e a todas as persoas interesadas na creación lexical e no
desenvolvemento do léxico das linguas románicas. As mudanzas
que ocorren en todos os grupos sociais reflíctense no léxico
das linguas e estas necesitan crear novas palabras que amosen
o avance científico, tecnolóxico, artístico, económico e
social, polo que pasa esa sociedade nun determinado momento
da súa historia. Esas novas palabras son creadas cos recursos
vernaculares dos que dispón unha lingua, xa herdados do latín
no caso das linguas románicas, ou recibidas doutros idiomas,
especialmente o inglés, nos dias contemporáneos.
A vitalidade das linguas románicas,
así como as influencias que reciben doutros idiomas, será
especialmente debatida neste congreso, que tamén se abre
para cuestións máis amplas coma os aspectos teóricos, metodolóxicos,
gramaticais e tipolóxicos da neoloxía, ben coma as súas relacións
coa informática e coa sociedade contemporánea, entre outras.
Todos as persoas interesadas na neoloxía
das linguas románicas están convidadas a presentar unha proposta
de comunicación.
Linguas
do Congreso
As linguas do Congreso son tódalas linguas románicas.
Lugar de celebración
Departamento de Letras Clássicas e Vernáculas
Faculdade de Filosofia, Letras e Ciências Humanas
Universidade de São Paulo
Av. Luciano Gualberto, 403
05508 900 São Paulo, Brasil
Contacto
cineo2011@usp.br
|
